2020-12-30 12:10

Koronavirus infeksiyasının yayılmasının qarşısının alınması məqsədilə sərt karantin rejiminin tətbiq edildiyi 5 şəhərin və 12 rayonun giriş və çıxışlarında quraşdırılan xüsusi postlardan dekabrın 29-da müvafiq qaydada icazə almadan keçməyə cəhd göstərən 6 693 nəqliyyat vasitəsi müəyyən olunaraq geri qaytarılıb. Qeyd olunan müddətdə ölkə üzrə karantin rejimi qaydalarını pozan 2 396 nəfər barəsində inzibati tənbeh tədbiri tətbiq olunub. Qanunsuz sərnişindaşıma ilə məşğul olmağa cəhd edən 7 taksi sürücüsü aşkar edilərək inzibati qaydada həbs edilib. Eyni zamanda ev şəraitində müalicə təyin edilən 13 nəfər aktiv COVID-19 xəstəsi ictimai yerlərdə müəyyən olunaraq evə qaytarılıb və barələrində cinayət işi başlanılıb.

Nərgiz camal