Ermənistanın Xarici İşlər Nazirliyi bir daha mədəni abidələrin qorunması məsələsi ilə spekulyasiya etməyə çalışıb. Bu barədə Qərbi Azərbaycan İcmasının bəyanatında bildirilib. "UNESCO bizim müraciətimiz ilə bağlı Ermənistan hökumətinə müvafiq kommunikasiya göndərib. Ermənistanın missiyanı qəbul etməməsi, mədəni irsin qorunması üzrə İcma ilə dialoqdan imtina etməsi və İrəvan şəhərində Təpəbaşı məhəlləsi daxil olmaqla Azərbaycan mədəni irsini nümayişkaranə şəkildə dağıtmaqda davam etməsi Beynəlxalq Ədalət Məhkəməsinin 2021-ci il tarixli qərarının kobud şəkildə pozulmasıdır", - deyə bəyanatda qeyd edilib.

Nərgiz Camalzadə