Qərb derbisində Kəpəz rəqibindən üstün olub
2021-11-16 16:00
Bu gün futbol üzrə 1-ci Divizionda 8-ci turun oyunlarına start verilib. Turun açılış, eyni zamanda mərkəzi görüşü Gəncədə keçirilib. "Kəpəz" qərb derbisində "Turan Tovuz"u qəbul edib. Hesabı 35-ci dəqiqədə meydan sahibləri açıblar. Vüsal Məsimovun dəqiq zərbəsi "Kəpəz" azarkeşlərini sevindirib. 9 dəqiqə sonra tovuzlular hesaba tarazlıq gətiriblər. Sadıq Şəfiyev adını tabloya yazdırıb. 76-cı dəqiqədə "sarı-göylər"dən Cavid İmamverdiyev vurduğu qolla komandasını yenidən önə keçirib və yekun hesabı müəyyənləşdirib 2:1.
Nərgiz camal