2020-09-15 12:06

Heydər Əliyev Fondunun dəstəyi ilə 2020-2021-ci tədris ilində respublikanın müxtəlif bölgələrində yeni inşa olunan və əsaslı təmir edilən məktəb, eləcə də uşaq bağçaları istifadəyə verilir. İnşa və əsaslı təmir olunan 62 təhsil və təlim müəssisələri sırasında qərb regionunda olanlar da var. Gəncə şəhər İdman Liseyi, Samux rayonu Sərkar kəndində tam orta məktəb və körpələr evi-uşaq bağçası, Ziyadlı kəndində tam orta məktəb və körpələr evi-uşaq bağçası, Tovuz rayonunda Köhnəqala, Dondar Quşçu və Bozalqanlı kənd orta məktəbləri, Tovuz şəhərində tam orta məktəb, Qazax rayonu Kosalar kənd tam orta məktəbi və Gədəbəy rayonu Qoşabulaq kənd 2 nömrəli tam orta məktəbi bu siyahıda yer alır.

Vəfa Şairova