2020-10-05 10:00

Düşmən dünən saat 23 radələrindən başlayaraq Ermənistanın hərbi-siyası rəhbərliyinin göstərişi ilə Mingəçevirin mülki əhalisinin sıx yaşadığı məntəqələri raket zərbələri ilə atəşə tutub. Baş Prokurorluqdan verilən məlumata görə, 3 TOCHKA-U raketindən 2-si partlamayıb. Onlardan 1-i İstilik Elektrik Stansiyası MMC-nin qarşısına, digəri isə dinc sakinlərin yaşadıqları evin yaxınlığına düşüb. 3-cü raketin fərdi yaşayış evinə atılması nəticəsində 5 nəfər xəsarətlərlə xəstəxanaya yerləşdirilib, evə külli miqdarda ziyan dəyib. Prokurorluq əməkdaşları zərərçəkən şəxslərin və zərər dəyən mülki infrastruktur obyektlərin siyahısının dəqiqləşdirilməsi ilə bağlı istintaq-əməliyyat tədbirləri keçirir.

Vəfa Şairova