Prezident İlham Əliyev Slovakiyanın Baş nazir müavini Tomaş Taraba və Mavriki Prezidenti Daramber Qoxul ilə görüş keçirib.Slovakiya rəsmisi ölkəsinin Azərbaycanın ərazi bütövlüyünü dəstəklədiyini və Azərbaycanı etibarlı qaz təchizatçısı kimi qiymətləndirdiyini bildirib. Görüşdə enerji sahəsində əməkdaşlıq və tərəfdaşlığın perspektivləri müzakirə olunub. Mavriki Prezidenti isə Bakıya səfəri çərçivəsində ASAN xidmət mərkəzini ziyarət etdiyini və bu modelin ölkəsində tətbiqində maraqlı olduğunu deyib. Tərəflər iqtisadiyyat, enerji, turizm və təhsil sahələrində əməkdaşlıq imkanlarını nəzərdən keçiriblər.Hər iki görüş Ümumdünya Şəhərsalma Forumunun 13-cü sessiyası çərçivəsində baş tutub.

19 may 2026