2021-10-04 10:07

Prezident İlham Əliyev Tərtər və Bərdədə səfərdə olub. Dövlət başçısı Tərtərin Suqovuşan qəsəbəsinə və Talış kəndinə gedən avtomobil yollarının açılışını edib. Talış-Tapqaraqoyunlu-Qaşaltı-Naftalan yolunun təməlini qoyub. Tərtərin Talış kəndində və Suqovuşan qəsəbəsində Azərbaycan bayrağını ucaldıb. Prezident Talış kəndində ermənilər tərəfindən dağıdılmış alban-udi və pravoslav kilsələrində də olub. “Suqovuşan-1” və “Suqovuşan-2” Kiçik Su Elektrik stansiyalarının yenidənqurmadan sonra açılışını edib. Tərtər sakini Sahib İsmayılovun Vətən müharibəsi zamanı Ermənistan silahlı qüvvələrinin raket hücumu nəticəsində dağılmış evinə baxıb və yerinə inşa edilən evdə yaradılan şəraitlə tanış olub. İlham Əliyev rayon mərkəzində ermənilər tərəfindən Tərtərə atılmış mərmilərə baxıb. Dövlət başçısı Bərdədə də olub, Peşə Liseyinin açılışında iştirak edib.

Fərid Mehdiyev