2021-05-13 14:00

Bu gün və sabah Azərbaycanda Ramazan bayramıdır. Ölkəmizdə Ramazan bayramı 1993-cü ildən dövlət səviyyəsində qeyd olunur və uzun illər sonra ilk dəfədir ki, bu il bu bayramı qalib xalq kimi qeyd edirik. Prezident İlham Əliyev rəsmi tviter səhifəsində paylaşım edərək hər kəsi Ramazan bayramı münasibətilə təbrik edib. Birinci vitse-prezident Mehriban Əliyeva da bayram münasibətilə paylaşım edib. "Təsviredilməz qürur və sevinc hissi ilə doğma Şuşadan hər birinizə ən xoş arzularımı və səmimi təbriklərimi çatdırıram!", - deyə paylaşımda vurğulanıb. Bu gün Şuşada Yuxarı Gövhərağa məscidində bayram namazı qılınıb.

Fərid Mehdiyev