Prezident İlham Əliyev qismən səfərbərlik elan edilməsi haqqında Sərəncam imzalayıb
2020-09-28 12:00
Prezident İlham Əliyev qismən səfərbərlik elan edilməsi haqqında Sərəncam imzalayıb. Sənədə əsasən, Səfərbərlik və Hərbi Xidmətə Çağırış üzrə Dövlət Xidməti təsdiq edilən planlara uyğun olaraq hərbi vəzifəlilərin səfərbərlik üzrə hərbi xidmətə çağırılmasını və hərbi-nəqliyyat vəzifəsindən irəli gələn tədbirlərin həyata keçirilməsini təmin etməlidir. Sərəncam bu gündən qüvvəyə minir.
Prezident İlham Əliyevin digər sərəncamı ilə "Hərbi vəziyyət dövründə komendant saatının tətbiq edildiyi ərazilərin komendantı təyin edilib. Daxili İşlər naziri Vilayət Eyvazov hərbi vəziyyət dövründə komendant saatının tətbiq edildiyi ərazilərin komendantı təyin edilib.
Vüsalə Camal