Prezident İlham Əliyev dünya azərbaycanlılarını təbrik edib
2020-12-29 14:00
Ermənistanın işğalı və vəhşiliyi nəticəsində başdan-başa dağıdılmış doğma Qarabağımızı əminəm ki, biz ən qısa zamanda əsl cənnətə çevirəcəyik. Dünya azərbaycanlılarını Həmrəylik Günü münasibətilə təbrik edən Prezident İlham Əliyev Vətən müharibəsi zamanı xaricdə yaşayan soydaşlarımızın düşmənin və anti-Azərbaycan dairələrin məkrli təxribatlarına qarşı cəsarətli etirazlarının, Azərbaycan həqiqətlərinin dünya ictimaiyyətinə çatdırılması işində fədakar xidmətlərinin Qələbəyə layiqli töhfə olduğuna diqqət çəkib. "Doğma Azərbaycanımızın daha da güclənməsi və çiçəklənməsi naminə fəaliyyətinizdə hər birinizə uğurlar arzulayıram" - deyə müraciətdə deyilir.
Nərgiz Camal