Prezident İlham Əliyev Azərbaycanın pravoslav xristian icmasına təbrik məktubu ünvanlayıb
2021-04-30 16:02
Prezident İlham Əliyev Azərbaycanın pravoslav xristian icmasına təbrik məktubu ünvanlayıb. Müqəddəs Pasxa bayramı münasibətilə Azərbaycanın bütün xristianlarını təbrik edən dövlət başçısı zəngin multikultural dəyərlərə, tolerantlıq ənənələrinə və nümunəvi dövlət-din münasibətləri modelinə malik ölkəmizdə ayrı-ayrı xalqların və konfessiyaların nümayəndələrinin yüz illərdir ki,dostluq və qardaşlıq mühitində vahid ailə kimi yaşadığını bildirib. "Vətən müharibəsi zamanı torpaqlarımızın azad olunmasında xristian həmvətənlərimizin xidmətlərini yüksək qiymətləndirirəm. İnanıram ki, onlar Azərbaycanın tərəqqisi naminə bundan sonra da əzmlə çalışacaqlar" - deyə təbrik məktubunda qeyd olunub.
Fərid Mehdiyev