Prezident İlham Əliyev Astanadakı Müstəqillik sarayında keçirilən təntənəli mərasimdə iştirak edib

Prezident İlham Əliyev Qazaxıstana işgüzar səfəri çərçivəsində Qazax xanlığının 550 illik yubileyi münasibətilə Astanadakı Müstəqillik sarayında keçirilən təntənəli mərasimdə iştirak edib. Təntənəli mərasim Qazaxıstanın dövlət himninin səsləndirilməsi ilə başlayıb. Sonra Prezident Nursultan Nazarbayev mərasimdə iştirak edən Azərbaycan Prezidenti İlham Əliyevi və digər qonaqları salamlayıb.