2020-09-03 10:00
Azərbaycanla Yunanıstanın əməkdaşlığına mənfi təsir göstərən bir neçə məsələ olub. Onlardan biri Yunanıstanın qaz şirkəti “DESFA” ilə əlaqədardır. Digəri isə Ermənistan, Yunanıstan və Kipr arasında hərbi əməkdaşlıqla bağlıdır. Yunanıstanın Azərbaycandakı yeni səfiri Nikolaos Piperiqkosun etimadnaməsini qəbul edən Prezident İlham Əliyev Türkiyə və Yunanıstan arasında Şərqi Aralıq dənizi regionunda bu yaxınlarda baş verən gərginliyə də toxunub. Qeyd edib ki, Türkiyə təkcə bizim dost və tərəfdaşımız yox, bizim üçün qardaş ölkədir. Biz heç bir tərəddüd etmədən Türkiyəni dəstəkləyirik və bütün hallarda dəstəkləyəcəyik. İlham Əliyev "toxunulası bir müsbət məsələ tapmaq istəyirəm, amma əfsuslar olsun ki, tapa bilmirəm", - deyə vurğulayıb.
Nərgiz Camal