Prezident İlham Əliyev İslam Əməkdaşlıq Təşkilatına üzv dövlətlərin korrupsiyaya qarşı mübarizə orqanları rəhbərlərinin Bakıda keçirilən üçüncü yüksək səviyyəli iclasının iştirakçılarına müraciət ünvanlayıb.Dövlət başçısı bildirib ki, korrupsiya ilə mübarizə həm milli, həm də beynəlxalq səviyyədə birgə tədbirlərin görülməsini zəruri edir. O, qanunvericiliyin təkmilləşdirilməsi, dövlət idarəçiliyində şəffaflığın artırılması və xidmətlərin rəqəmsallaşdırılmasının bu sahədə mühüm rol oynadığını vurğulayıb.Prezident, həmçinin Azərbaycan torpaqlarının işğalı dövründə təbii sərvətlərin, o cümlədən faydalı qazıntı yataqlarının xarici subyektlərin iştirakı ilə qanunsuz istismar edildiyini bildirib. Onun sözlərinə görə, bu fəaliyyət nəticəsində əldə olunan külli miqdarda gəlir beynəlxalq maliyyə kanalları vasitəsilə leqallaşdırılıb, regionun ekologiyasına isə ciddi ziyan vurulub.İlham Əliyev rəqəmsal inkişaf və süni intellektin yayılmasının korrupsiya ilə mübarizə imkanlarını genişləndirməklə yanaşı, yeni risklər də yaratdığını qeyd edib. O, müasir texnologiyalardan səmərəli istifadənin belə cinayətlərin qarşısının alınması və araşdırılmasında əhəmiyyətini vurğulayıb.

28 oktyabr 2026