Biz suverenliyimizi iki il yarım bundan əvvəl bərpa edəndə gördük ki, Qarabağda böyük həcmdə çoxsaylı erməni kontingenti var və onlar heç bir beynəlxalq hüququn prinsiplərinə məhəl qoymurdular. Bu gün separatçıların rəhbərləri Azərbaycandadırlar. Onlar buraya gəlmək istəyirdilər və bizi hədələyirdilər ki, tank üzərində gələcəklər. Bu gün isə Azərbaycanda mühakimə olunmağı və bizim ədliyyə sisteminin yekun qərarını gözləyirlər. Bunu Prezident İlham Əliyev “Qarabağ: 30 ildən sonra evə dönüş. Nailiyyətlər və Çətinliklər” Forumunda bildirib. Dövlət başçısı
bütün məsələləri BMT Nizamnaməsinin 51-ci maddəsinə uyğun olaraq özünümüdafiə hüququndan istifadə etməklə həll etdiyini diqqətə çatdırıb. Sentyabrda həyata keçirilən antiterror tədbirlərindən sonra Qarabağ erməniləri üçün yaradılan şəraitdən danışıb: "Onlar ərzaqla, istiliklə təmin edilməlidir və digər yaşayış üçün şəraitlə təmin edilməlidir. Mən demirəm ki, onların çoxu qalıb. Lakin qalmaq qərarı verən ermənilər, artıq bu şəraitdən yararlanırlar”, - deyə dövlət başçısı əlavə edib.

Vüsalə Cənnətova