2021-06-27 10:06

İyunun 26-sı saat 21 radələrində Füzuli Rayon Polis Şöbəsinin əməkdaşı, polis serjantı 1989-cu il təvəllüdlü İlham Salmanov xidmətdən kənar vaxtda rayonun işğaldan azad edilmiş Aşağı Seyidəhmədli kəndi ərazisində piyada əleyhinə minaya düşüb. Baş Prokurorluq və Daxili İşlər Nazirliyindən bildirilib ki, müxtəlif dərəcəli bədən xəsarətləri alan Salmanov xəstəxanaya yerləşdirilib, vəziyyəti qənaətbəxşdir. Prokurorluq və polis əməkdaşları tərəfindən hadisə yerinə baxış keçirilib, bütün prosessual hərəkətlər yerinə yetirilib. Araşdırma aparılır.

Nərgiz camal