2021-03-30 16:06

Ötən gün narkotik vasitələrin qanunsuz dövriyyəsində və odlu silah gəzdirməkdə şübhəli bilinən, əvvəllər dəfələrlə ağır cinayətlərə görə məhkum olunmuş Vüsal Səmədov idarə etdiyi “Saipa” markalı avtomobillə paytaxtın Yasamal rayonu ərazisində saxlanılarkən polis əməkdaşlarının qanuni tələblərinə tabe olmayaraq nəqliyyat vasitəsini polisin iki xidməti avtomobilinə vuraraq, hadisə yerindən qaçmağa cəhd göstərib. Polis əməkdaşları xidməti silahdan havaya xəbərdarlıq atəşi açdıqdan sonra həmin avtomobilin təkərinə və arxa qapısına atəş açaraq avtomobilin dayandırılmasına nail olublar. Sürücü Vüsal Səmədov və sərnişinlər - əvvəllər dəfələrlə məhkum olunmuş Abid İsmayılov və Əmrah Əhmədov saxlanılıblar. Avtomobildən 26 bükümdə heroin və metamfetomin aşkar olunaraq götürülüb. Şübhəli şəxs qismində saxlanılan Əmrah Əhmədov güllə yarası alaraq xəstəxanaya yerləşdirilib, hazırda vəziyyəti qənaətbəxşdir. Faktla bağlı cinayət işi başlanıb.

Fərid Mehdiyev