Futbol üzrə Türkiyə Superliqasında XXII turun növbəti oyunları keçirilib. Lider "Fənərbağça" "Başakşəhər"in qonağı olub. Matçın taleyini bir qol həll edib. 90+4-cü dəqiqədə Mişi Batşuayinin penaltidən vurduğu qol qonaqlara vacib qələbə qazandırıb. "Başakşəhər"in heyətində iki futbolçu qırmızı vərəqə alaraq meydandan qovulub. İlk pillədə qərarlaşan "Fənərbağça"nın 57 xalı var. Liderdən 3 xal az toplayan "Qalatasaray" ikincidir. "Trabzonspor" 37 xalla üçüncü, "Beşiktaş" 36 xalla dördüncü pillədə yer alıb.

Vüsalə Cənnətova