Paytaxtda maşın 4 avtomobilə çırpılıb, xəsarət alan var
Bakının Binəqədi rayonu Azadlıq prospektində “Nissan” markalı avtomobil yüksək sürətlə Sübhan Xəlilovun idarə etdiyi “BMW”yə cırpılıb. İdarəetmədən çıxan avtomobil ardınca yol kənarında dayanmış “Qazel”ə, sonra isə “Chevrolet” və “Hyundai”ya dəyib. “Nissan” yalnız səkiyə çırpıldıqdan sonra dayana bilib. Sürücü xəsarət alaraq xəstəxanaya aparılıb.
