2020-03-24 12:07

Neftçalada mənzildə qaz sızmasından partlayış baş verib. Şəhərin H.Əliyev prospektində yerləşən yaşayış binasının birinci mərtəbəsində 88 yaşlı Bacıbacı İmanovaya məxsus mənzildə qeydə alınan hadisə nəticəsində ev sahibi 3-cü dərəcəli yanıq xəsarətləri ilə Salyan Rayon Mərkəzi Xəstəxanasına yerləşdirilib. Partlayışın gücündən blokda yerləşən 7 mənzilə və binanın qarşısında dayanan 3 avtomobilə ciddi ziyan dəyib.

Vəfa Şairova