2020-10-31 10:04
Ordumuz tərəfindən guya fosfor tərkibli sursatların tətbiqi ilə bağlı Ermənistanın iddialarının heç bir əsası yoxdur. Müdafiə Nazirliyindən rəsmi olaraq bildirilib ki, Ordumuzun silahlanmasında beynəlxalq hüquqla qadağan olunmuş heç bir silah və sursat yoxdur. Bu kimi əsassız xəbərlər yaymaqla Ermənistan dinc azərbaycanlı əhaliyə qarşı törətdikləri hərbi cinayətləri gizlətmək məqsədini güdür". Ermənistan müdafiə nazirliyinin rəsmisinə istinadən guya Ordumuzun Qafan şəhəri yaxınlığındakı David Bek kəndi istiqamətində döyüş əməliyyatları aparması barədə bu ölkənin mətbuatının yaydığı məlumat da həqiqətə uyğun deyil. Ordumuzun bölmələri göstərilən istiqamətdən Qubadlı ərazisini artilleriya atəşinə tutan düşmənin atəş nöqtələrinə cavab atəşi açıb. Bundan sonra da düşmənə qarşı adekvat cavab tədbirləri görüləcək.
Vüsalə Camal