Ordumuzun əsgəri yaralandı
2020-09-21 16:00
Ermənistan silahlı qüvvələri tərəfindən atəşkəs rejimi növbəti dəfə pozularaq 20 sentyabr 2020-ci il tarixdə saat 17 radələrində Tovuz rayonu, Ağdam kəndi ərazisində yerləşən döyüş postuna odlu silahdan atəş açılıb, nəticədə Azərbaycan Ordusunun əsgəri Qurban Qurbanov “sağ çiyin nahiyəsinin kor qəlpə yarası” xəsarəti alıb. Azərbaycan Ordusunun müddətdən artıq həqiqi hərbi xidmət hərbi qulluqçusu kiçik çavuş Elşən Məmmədovun nəşi isə doğulduğu Tovuz rayonunun Qazıqulu kəndinə gətirilib. Şəhidlə vida mərasimi keçirilir. Hər iki faktla bağlı cinayət işi başlanıb.
Vüsalə Camal