Ombudsman Səbinə Əliyeva Ermənistan silahlı qüvvələrinin növbəti təxribat cəhdinin pislənilməsinə dair çağırış edib. "22 sentyabr gecə saatlarında Ermənistan silahlı qüvvələri Kəlbəcər istiqamətində növbəti dəfə təxribata əl ataraq Ordumuzun mövqelərini atəşə tutub, habelə diversiya qrupu tərəfindən həmin ərazilərdə dərə boşluqları minalanmaqla basqına cəhd göstərilib. Aidiyyəti beynəlxalq təşkilatları insan hüquqlarına ciddi təhdid yaradan bu kimi hallarla bağlı təsirli tədbirlər görməyə və Ermənistanın təxribatçı əməllərini qəti şəkildə qınamağa çağırıram", - deyə Ombudsman bildirib.