“Milan"ın hücumçusu Olivye Jiru hakim Rosario Abissonu təhqir etdiyinə görə A Seriyasında iki oyunluq diskvalifikasiya olunub. İtaliya A Seriyasının 12-ci turunun “Leççe” – “Milan” matçında Jiru 90+3-cü dəqiqədə qaydanı pozduğu üçün sarı vərəqə alıb. O, daha sonra hakim Rosario Abissonu təhqir etdiyinə görə qırmızı vərəqə ilə meydandan qovulub. Fransalı futbolçu A Seriyasında “Fiorentina” və "Frozinone"yə qarşı görüşləri buraxmalı olacaq. Jiru bu mövsüm bütün turnirlərdə "Milan"ın heyətində 15 oyuna çıxıb, 8 qol vurub və 3 qolun ötürməsini verib.

Emin İsazadə