Oğurluq cinayətləri törədən dəstə üzvləri saxlanılıblar
2020-03-04 18:05
Binəqədi rayonu ərazisində ayrı-ayrı şəxslərə məxsus avtomobillərin şüşəsini sındıraraq oğurluq cinayətləri törədən dəstə üzvləri saxlanılıblar. Ağdam rayon sakini İbrahim Məmmədov və Neftçala rayon sakini Abdul Musazadənin 1 gecədə 21 avtomobilin şüşəsini sındıraraq nəqliyyat vasitələrinin salonundan pul, ehtiyat hissələri və digər qiymətli əşyalar oğurladıqları məlum olub. Tutulan zaman oğurluq yolla əldə edilən əşyaların bir qismi maddi sübut kimi aşkar olunaraq götürülüb.
Fərid Mehdiyev