"Neftçi" - "Qalatasaray" oyunu saat 20:00-da başlayacaq
2020-09-15 18:09
"Qalatasaray" UEFA Avropa Liqasının II təsnifat mərhələsində "Neftçi"yə qarşı keçirəcəyi matçın hazırlıqlarını davam etdirir. Komanda sabah çarter reysli təyyarə ilə Bakıya yola düşəcək. Saat 18:00-da baş məşqçi Fatih Terim oyunun keçiriləcəyi Bakı Olimpiya Stadionunda media önünə çıxacaq. Bundan yarım saat sonra "sarı-qırmızılar"ın ilk 15 dəqiqəsi mətbuat üçün açıq olan məşqi başlayacaq. Sentyabrın 17-də Bakı Olimpiya Stadionunda keçiriləcək "Neftçi" - "Qalatasaray" oyunu saat 20:00-da başlayacaq.
Fərid Mehdiyev