“Biləsuvar” gömrük postunda Naxçıvan-Bakı marşrutu üzrə hərəkət edən avtobusun sərnişininə məxsus çantadan 6 kq 388 qram çəkisində narkotik vasitələr aşkarlanıb. Həmin narkotik vasitələri təhvil alan iki nəfər də saxlanılıb. Onların idarə etdikləri avtomobildən 1,640 qram qurudulmuş marixuana və 1,82 qram tiryək, eyni zamanda, bu narkotik vasitələrin istifadəsi üçün nəzərdə tutulduğu ehtimal edilən 2 ədəd metal boru götürülüb. Qubada isə Abşeron rayon sakini Vasif Hacıyev saxlanılıb. Həmin şəxsin üzərinə və avtomobilinə baxış zamanı 2 kiloqrama yaxın heroin aşkarlanıb.