Nəsimi Rayon Polis İdarəsinin əməkdaşları narkotiklərin qanunsuz dövriyyəsi ilə məşğul olan daha 8 nəfəri tutub. Həmin şəxslərdən ümumilikdə 2 kiloqrama yaxın heroin, tiryək və metamfetamin aşkar edilib. Daha bir əməliyyat zamanı paytaxtda evlərdən silsilə oğurluqlar edən İlkin Salayev tutulub. Onun 18 evdən pul, qızıl-zinət və digər qiymətli əşyalar oğurladığı məlum olub. Gəncədə isə “Chevrolet” markalı avtomobildən 15 000 manat dəyərində 81 ədəd mobil telefonu oğurlamaqda şübhəli bilinən şəhər sakini saxlanılıb, 3 nəfərin isə şəxsiyyəti müəyyən olunub.