Zaqatalada keçirilmiş əməliyyatla əvvəllər məhkum olunmuş F.Buğluyev saxlanılıb. Ondan 1 kiloqram 500 qram narkotik vasitə aşkarlanıb. Saxlanılan şəxs narkotikləri sosial şəbəkələrdə tanış olduğu İran vətəndaşından satmaq məqsədilə əldə etdiyini bildirib.Ağcabədidə isə Ağdam rayon sakini E.Məmmədov saxlanılıb. Ondan 8 kiloqramdan artıq narkotik vasitə aşkarlanıb.Lənkəranda əvvəllər məhkum olunmuş M.İsmayılovdan 14 kiloqramdan artıq narkotik vasitə və psixotrop tərkibli həblər aşkarlanıb.Həyata keçirilən digər tədbirlərlə isə narkotiklərin qanunsuz dövriyyəsində şübhəli bilinən V. Bayramlı saxlanılıb. Həmin şəxsdən 3 kiloqramdan artıq narkotik vasitə aşkarlanıb. Faktlarla bağlı cinayət işi başlanılıb, araşdırmalar davam etdirilir.

25 sentyabr 2026