Narkotacirlər xeyli narkotiklə saxlanıldı
Baş Narkotiklərlə Mübarizə İdarəsinin əməkdaşları paytaxt sakini Rəşad Adıgözəlov və tanışı Ağakərim İsmayılovu saxlayıblar. Masazır qəsəbəsində narkoanbar kimi istifadə etdikləri evdən 20 kiloqram marixuana, 2 kiloqram heroin və 2 kiloqram metamfetamin aşkar edilib. Şəxslər narkotikləri sosial şəbəkələrdə tanış olduqları İran vətəndaşı “Babək” adlı şəxsin tapşırığı ilə Bakıda gizlədilən ünvandan əldə etdiklərini bildiriblər. Onların barəsində həbs qətimkan tədbiri seçilib.
Vüsalə Cənnətova