2020-09-30 11:07

“Ermənistan silahlı qüvvələrinin atəşi nəticəsində Naftalanda həlak olan ailənin üzvlərindən 13 yaşlı Şəhriyar Qurbanov müxtəlif yaş qrupları üzrə UGİM klubunda çıxış edib. Onun ölümü ilə bağlı FİFA və UEFA məlumatlandırılıb. Azərbaycan futbol ailəsinin üzvü həm də Avropa və dünya futbol ailəsinin üzvüdür. AFFA-nın icraçı vitse-prezidenti Elxan Məmmədov UEFA-ya “Lernain Artsax” klubu ilə bağlı sorğu göndərdiklərini də bildirib. "Klub əvvəlcə Xankəndidə qeydiyyatdan keçib və deməli, yalnız Azərbaycan çempionatında çıxış edə bilər. Lakin qeydiyyata alındıqdan sonra qondarma Dağlıq Qarabağ Respublikasının çempionatında, sonra Ermənistan çempionatında mübarizəyə qoşulub. Bunun üçün heç bir hüququ yoxdur”.

Nərgiz Camal