Nərmin Quliyevanı qətlə yetirməkdə şübhəli bilinən şəxs tutulub
2020-01-10 18:05
Tovuzun Dondar Quşçu kənd sakini 10 yaşlı Nərmin Quliyevanın qəsdən öldürülməsi faktı ilə polis əməkdaşlarının əməliyyat tədbirləri nəticəsində bu ağır cinayəti törətməkdə şübhəli bilinən Dondar Quşçu kənd sakini, işləməyən, 47 yaşlı Süleymanov İlkin İbrahim oğlu tutularaq istintaqa cəlb edilib. Baş Prokurorluqdan verilən məlumata görə, İ.Süleymanov şübhəli şəxs qismində müdafiəçinin iştirakı ilə dindirilərkən törətdiyi əməli tam etiraf edib. Hazırda iş üzrə istintaq-əməliyyat tədbirləri davam etdirilir.
Fərid Mehdiyev