Növbədənkənar parlament seçkisi ilə bağlı pozuntu kimi təqdim edilən faktlar ətraflı araşdırılacaq. Bu barədə Mərkəzi Seçki Komissiyasının sədri Məzahir Pənahov bildirib. Sədr qeyd edib ki, bu gündən etibarən dairə seçki komissiyalarının protokolları MSK-ya daxil olmağa başlayacaq.
İki gün müddətində bütün 125 seçki dairəsindən DSK-nın protokolları MSK-ya daxil olduqdan sonra MSK-nın üzvləri, işçi və ekspert qrupları bu sənədləri araşdıracaq. MSK bu proseslərə ən geci 20 gün müddətində yekun vuracaq. Araşdırmalar başa çatdıqdan sonra MSK qərar qəbul edəcək və daxil olmuş bütün sənədlər MSK-nın və DSK-ların protokolları ilə birlikdə Konstitusiya Məhkəməsinə təqdim olunacaq.

Azad Mustafayev