Bakıda mopedlə narkotik vasitələrin satışını həyata keçirən şəxs saxlanılıb. Amil Sərhədovun üzərinə və Yasamal rayonundakı evinə baxış zamanı ümumilikdə 2 kiloqrama yaxın müxtəlif növdən olan narkotik vasitə aşkar olunaraq götürülüb. O, əvvəlcədən təyin edilən ünvanlara narkotikləri çatdırmaq və ətrafdakı insanların diqqətini cəlb etməmək üçün kuryer görüntüsü yaradaraq mopeddən istifadə edirmiş. Faktla bağlı cinayət işi başlanılıb, Amil Sərhədov barəsində həbs qətimkan tədbiri seçilib.