Minaya düşən şəxslərə əlillik veriləcək
2021-12-07 12:12
Dövlət Tibbi-Sosial Ekspertiza və Reablitasiya Agentliyinin, İcbari Tibbi Sığorta üzrə Dövlət Agentliyi və Daxil Qoşunların hərbi həkim-ekspertləri erməni terroru nəticəsində xəsarət almış iki hərbçi və bir mülki şəxsi ziyarət ediblər. Əmək və Əhalinin Sosial Müdafiəsi Nazirliyindən bildirilib ki, ötən ay hərbi xidmət vəzifələrini yerinə yetirərkən Füzulidə minaya düşən hərbi qulluqçular Sarib Məmmədzadə, Murad Məmmədzadə və Cəbrayılda təmir-tikinti işləri apararkən minaya düşən mülki şəxs Natiq Məmmədovun hazırkı sağlamlıq vəziyyətinin əlillik səviyyəsində olduğu müəyyən edilib. Qısa müddətdə onlara əlillik dərəcələri təyin ediləcək.
Nərgiz camal