"İşğaldan azad olunmuş ərazilərə köçənlərin təhlükəsizliyini təmin etmək məqsədilə xüsusi mobil əlavə yaradılır. Mina təhlükəsi barədə xəbərdarlıq edən bu tətbiq sakinlər təhlükəli zonada olduqda məlumatlandıracaq". Bu barədə Elektron Hökumətin İnkişafı Mərkəzindən məlumat verilib. Bildirilib ki, əgər təhlükəsiz zonada hər hansı bir diqqətdən yayınmış sursat olarsa,vətəndaş bununla təsadüfən rastlaşarsa anında internet olmadan da SOS siqnalı ilə həmin ərazini təhlükəli zona kimi işarələyə bilər. Və bu barədə məlumat real vaxt rejimində mərkəzə ötürüləcək. Eyni zamanda artıq vətəndaşlar bu əraziyə yaxınlaşdıqda siqnallar alacaqlar.