Milli Məclis Avropa Parlamentinin Azərbaycana qarşı 18 dekabr tarixli qətnaməsi ilə bağlı bəyanat yayıb. Bəyanatda sənəd qərəzli və əsassız adlandırılaraq qəti şəkildə pislənilib. Bildirilib ki, qətnamə yalan iddialara əsaslanır, Azərbaycanın suverenliyinə və daxili işlərinə kobud müdaxilədir. Milli Məclis Avropa Parlamentini ikili standartlarda, anti-Azərbaycan mövqeyində və siyasi riyakarlıqda ittiham edib. Qeyd olunub ki, bu cür sənədlər Azərbaycanın müstəqil siyasətinə və sülh təşəbbüslərinə heç bir təsir göstərə bilməz.