2020-05-16 16:04
Mayın 18-dən etibarən Bakı, Sumqayıt, Gəncə, Lənkəran şəhərləri və Abşeron rayonu üzrə bir sıra məhdudiyyətlər aradan qaldırılır. Yumşaldılma tədbirlərinə görə, Gəncədə də bulvar, park və istirahət məkanlarına girişə tətbiq olunan məhdudiyyət götürülür. Ölkənin ikinci böyük şəhərində sözügedən məkanlarda səliqə-səhman yaradılır. Mövcud yaşıllıqlara qulluq göstərilir, ərazi dezinfeksiya olunur, skamyalar yerinə qoyulur.
İlqar Əsədov – “Bu gündən etibarən tərəfimizdən Mənzil Kommunal Təsərrüfat İstehsalat Birliyinin işçiləri balansımızda olan parklarda xiyabanlarda istirahət güşələrində səliqə-səhman yaradılır. Təmizlik işləri aparılır. Oturacaqların yerinə qoyulması və silinməsi, demək olar ki, bütün ərazinin təmiz və səliqəli vəziyyətə gətirilməsi işləri aparılır”.
Vəfa Şairova