2020-02-26 18:04

Masallının Təzəkənd kəndində dəhşətli qətl hadisəsi baş verib. Kənd sakini, 32 yaşlı Sarvan Ağayev keçmiş qayınanası Zemfira Nəbiyevanın evinə gələrək orada mübahisə edib. Mübahisə nəticəsində o özü ilə gətirdiyi ov tüfəngi ilə keçmiş həyat yoldaşı, 21 yaşlı Alimə Nəbiyevanı, keçmiş qaynı, 25 yaşlı Miralim Nəbiyev və 43 yaşlı Zəmfira Nəbiyevanı güllələyib. Nəticədə bacı-qardaş hadisə yerində dünyasını dəyişiblər, qadın isə ağır bədən xəsarətləri ilə Masallı Rayon Mərkəzi Xəstəxanasına yerləşdirilib. Hadisədən sonra Sarvan Ağayev özünü də boğazından güllələyib və polisin nəzarəti ilə xəstəxanaya yerləşdirilib. Faktla bağlı Masallı rayon Prokurorluğunda cinayət işi başlanıb.

Fərid Mehdiyev