2020-10-09 12:09

Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti Ermənistan tərəfindən “Mail.ru” elektron poçt xidmətinin azərbaycanlı istifadəçilərinə qarşı fişinq kampaniyalarının həyata keçirildiyini qeydə alıb. Guya Azərbaycan Müdafiə Nazirliyi tərəfindən döyüşdə həlak olanların siyahısının açıqlandığı bildirilir və faylı yükləməkçün keçidə daxil olmaq istənilir. Məqsəd dezinformasiya yaymaqla əhali arasında təşviş yaratmaq, istifadəçilərin cihazlarını zərərverici ilə yoluxdurmaqdır. İstifadəçilərə ayıq davranmaq tövsiyə edilir.

Nərgiz Camal