Azərbaycan millisinin futbolçusu Mahir Emrelinin çıxış etdiyi Xorvatiyanın "Dinamo" klubu UEFA Konfrans Liqasında növbəti matçını bu gün keçirəcək. Zaqreb təmsilçisi Yunanıstanın PAOK komandasını qəbul edəcək. Görüşün baş hakimi azərbaycanlı FIFA referisi Əliyar Ağayev olacaq və matç gecə saat 12-də başlayacaq. Türkiyənin "Fənərbağça" klubu bu turnirdə Belçikada “Yunion”un qonağı olacaq. Bu oyunun da start fiti gecə saat 12-də çalınacaq. Cavab qarşılaşmaları martın 14-də gerçəkləşəcək.

Fərid Mehdiyev