Magistral su kəmərinin bir hissəsinin tikintisinə başlanılıb
2021-05-07 12:10
Şuşa şəhərinin içməli su təchizatının yaxşılaşdırılması ilə bağlı Tədbirlər Planına uyğun olaraq ilkin mərhələdə ərazidə magistral su kəmərinin bir hissəsinin tikintisinə başlanılıb. Plana Şuşanı su ilə təmin edən Kiçik Kirs və Zarıslı mənbələrində yenidənqurma işləri, işğaldan əvvəl tikilmiş 10 kilometrlik Kiçik Kirs-Şuşa su xəttinin çəkilməsi, suqəbuledici kameranın, şəhərdə 6 kilometrlik paylayıcı şəbəkənin yenidən qurulması və 3 su anbarının tikintisi daxildir. "Azərsu" ASC-nin sözcüsü Anar Cəbrayıllı Hadrut qəsəbəsinin fasiləsiz içməli su ilə təmin edildiyini də bildirib.
Vüsalə Camal