Macarıstan Azərbaycan qazını qəbul etməyə hazırdır
2020-01-11 12:10
Macarıstan gələcək enerji balansında Azərbaycan qazının tədarükünü nəzərə almaqda maraqlıdır. Bu ölkənin Xarici İşlər və Ticarət Nazirliyinin beynəlxalq energetika üzrə komissarı Dora Zombori bildirib ki, Trans-Adriatik boru kəməri konsorsiumu kəmərin kommersiya istismarına hazır olduğunu elan edib. Mərkəzi Avropa ilə Azərbaycanda fiziki birləşmə 2022-2023-cü illərdə təmin olunacaq. Macarıstan həm də Azərbaycan təbii qazının “Cənub Qaz Dəhlizi”ndən Balkan ölkələrinə nəqlini nəzərdə tutan İon-Adriatik boru kəmərinin reallaşdırılmasını dəstəkləyir. Macartıstan təbii qaz nəqli sistemi bu istiqamətlərdən Azərbaycan təbii qazını qəbul etməyə hazırdır.
Vüsalə Camal