Məktəblərdə izolyasiya otağı olacaq
2020-09-11 18:04
Məktəblərdə xüsusi kiçik COVİD məntəqəsi və izolyasiya otağı olacaq. Təhsil nazirinin müşaviri Rüstəm Ağayevin sözlərinə görə, hərarəti və digər şübhəli əlamətləri olan şagird və müəllimlər həmin otağa yerləşdiriləcək, daha sonra təcili tibbi yardım çağırılacaq və xəstədən test götürüləcək. Müəllimlər dərsdən əvvəl üz sipəri ilə təmin ediləcəklər. Şagirdlərin tibbi maskalardan istifadəsi valideynlərin seçiminə buraxılıb. Peşə və ali məktəblərdə isə tibbi maskalardan istifadə məcburidir.
Nərgiz Camal