Bakı Hərbi Məhkəməsində Ermənistan vətəndaşlarının cinayət işi üzrə məhkəmə prosesi davam edir. İclasda 2020-ci il Vətən müharibəsi zamanı Gəncə şəhərinə raket hücumları ilə bağlı sənədlər elan olunub. Araşdırmalara görə, Ermənistan silahlı qüvvələri oktyabrın 4, 5, 8, 11 və 17-də Gəncəyə “Smerç” və “Elbrus” raketləri ataraq beynəlxalq hüquq normalarını pozub. Hücumlar nəticəsində 26 mülki şəxs həlak olub, 175 nəfər yaralanıb. Proses davam edir.