Müdafiə naziri Zakir Həsənov Qazaxıstanın hərbi sənaye müəssisəsində olub

Müdafiə naziri general – polkovnik Zakir Həsənov Qazaxıstana rəsmi səfəri çərçivəsində bu ölkənin aparıcı müəssisələrindən olan “Kazakhstan Aselsan Engineering” də olub. Sonra Azərbaycanın müdafiə naziri Qazaxıstan Silahlı Qüvvələrinin hərbi bazalarından birini ziyarət edib. Burada general-polkovnik Z.Həsənov hərbi desant kompleksi, hərbi hissənin silah və texnika sərgisi ilə tanış olub. Qeyd edək ki, Azərbaycanın müdafiə nazirinin Qazaxıstana səfəri noyabrın 5-dək davam edəcək.