Müəllimlərin iş yerinin dəyişdirilməsi müsabiqəsinin elektron sənəd qəbulu mərhələsi başladı
Bu gün saat 11-dən etibarən müəllimlərin iş yerinin dəyişdirilməsi müsabiqəsinin elektron sənəd qəbulu mərhələsinə start verilib. İnsan Resursları Mərkəzindən verilən məlumata görə, müsabiqədə dövlət ümumi təhsil müəssisələrində müddətsiz müqavilə əsasında fasiləsiz olaraq 3 tədris ili çalışan şəxslər iştirak edə bilərlər. Ərizələrin qəbulu mərhələsi başa çatdıqdan sonra vakansiya seçimi mərhələsi barədə məlumat veriləcək.
Vüsalə Cənnətova