2021-12-16 18:10

Prezident İlham Əliyev minimum aylıq əməkhaqqının məbləğinin 2022-ci il yanvarın 1-dən 300 manat müəyyən edilməsi barədə sərəncam imzalayıb. Digər sənədlərlə gələn il yanvarın 1-dən dövlət peşə təhsili müəssisələrində çalışan müəllimlərin, idarəetmə və təlim fəaliyyəti ilə məşğul olan işçilərin aylıq vəzifə maaşları orta hesabla 20 faiz, fiziki tərbiyə rəhbərlərinin maaşları 30 faiz, gənclərin çağırışaqədərki hazırlıq rəhbərlərinin maaşları 40 faiz artırılır. Yanvarın 1-dən həmçinin dövlət ümumi təhsil müəssisələrində çalışan müəllimlərin, həmin müəssisələrin direktor və direktor müavinlərinin aylıq vəzifə maaşları orta hesabla 20 faiz, gənclərin çağırışaqədərki hazırlıq rəhbərlərinin aylıq vəzifə maaşları 40 faiz artırılır.

Vüsalə camal