Lənkəranda 8 təqaüdçünün kartından pul oğurlamaqda şübhəli bilinən rayon sakini saxlanılıb. Polis bankomatların yaxınlığında dayanan Təbriz Sadıxzadənin təqaüdçülərin etibarından sui istifadə edərək kartlardan mobil tətbiq vasitəsilə, “avans” götürmək yolu ilə və digər üsullarla ümumilikdə 2300 manatdan artıq pulu mənimsədiyini müəyyən edib. Bakıda Binəqədi rayonu M.Ə.Rəsulzadə qəsəbəsində yerləşən, fəaliyyət göstərməyən restorandan 35 000 manat dəyərində 2 ədəd kondisioner, 32 ədəd qapı, 33 ədəd pəncərə, xalça və elektrik naqili oğurlamaqda şübhəli bilinən Yevlax rayon sakinləri Mənsur Bədirov və Mübariz Əmiraslanov da saxlanılıb.