Belçika millisinin futbolçusu Romelu Lukaku Avro-2024-ün seçmə mərhələsinin bombardiri olub. 30 yaşlı hücumçu meydana çıxdığı 8 matçda 14 qol vurub. Həmin qollardan 4-nü futbolçu son oyunda Azərbaycan millisinin qapısından keçirib. Portuqaliya millisinin kapitanı Kriştiano Ronaldo 10 qolla 2-ci, Fransa millisinin forvardı Kilian Mbappe 9 qolla 3-cü olub. Avropa çempionatının final mərhələsi gələn ilin yayında Almaniyada keçiriləcək, Püşkatma isə dekabrın 2-də baş tutacaq.

Emin İsazadə